တစ်ခါတုန်းက ပန်းလေးတွေ အများကြီးပွင့်ပြီး အပင်လေးတွေ စိမ်းစိမ်းစိုစိုနဲ့ သာယာတဲ့ ရွာကလေးတစ်ရွာရှိသတဲ့။ ရွာကလေးမှာနေတဲ့သူတွေက စိုက်ပျိုးရေးကို အဓိကလုပ်တော့ နေ့တိုင်း အပင်လေးတွေကို စိုက်နေ၊ ပျိုးနေကြတဲ့သူတွေနဲ့ အလုပ်ရှုပ်နေကြတာပေါ့။ ပန်းကလေးဆိုတဲ့ ကောင်မလေးရဲ့မိဘတွေကလည်း စိုက်ပျိုးရေးလုပ်တဲ့သူတွေဆိုတော့ မနက်ဆို ပန်းကလေးက ကျောင်းသွား၊ မိဘတွေက အလုပ်သွားကြတာပေါ့။ ပန်းကလေးကို တစ်ရွာလုံးကရော ဆရာမနဲ့ သူငယ်ချင်းတွေကရော ချစ်ကြတယ်။ ပန်းကလေးလည်း သူတို့ကို အရမ်းချစ်တယ်။ ပန်းကလေးက မနက်ကျောင်းသွားရင် အိမ်ကပန်းတွေ ခူးယူသွားပြီး၊ သူငယ်ချင်းတွေကလည်း သူတို့အိမ်က ပန်း တွေကို ယူလာ၊ ကျောင်းမှာ ဘုရားပန်းအိုးတွေထိုးကြ၊ အလှပန်းအိုးတွေ ထိုးကြနဲ့ လုပ်ကြတာမို့ တစ်ကျောင်းလုံးဟာ ပန်းတွေနဲ့ ဝေ ပြီးလှနေတာပေါ့။
ပန်းကလေး အသက် ၆ နှစ်ပြည့်ပြီး နောက်ပိုင်းမှာ နှာတွေချေ၊ ချောင်းတွေဆိုးပြီး ခဏခဏ ဖျားတာမျိုးတွေ ဖြစ်လာတယ်။ ပန်းကလေးရဲ့ မိဘတွေလည်း ပန်းကလေးရဲ့ ရောဂါကကြာလာတော့ ပရောဂပဲဖြစ်တာလား၊ တစ်ယောက်ယောက်ကပဲ ပြုစားတာလားဆိုပြီးတော့ သံသယတွေ ဖြစ်လာတော့တယ်။ အိမ်နီးနားချင်းတွေလုပ်တာလို့ ထင်လာတာကြောင့် အိမ်နီးချင်းတွေနဲ့လည်း မတည့်တော့ဘူး။ ပန်းကလေးသူငယ်ချင်းတွေလည်း ပန်းကလေးရဲ့ အိမ်ကို မလာကြတော့ဘူး၊ အိမ် မှာနေရင်လည်း မျက်ရည်တွေကျ၊ နှာရည်တွေကျပြီး အမြဲချောင်းဆိုး၊ နှာချေနေတဲ့ ပန်းကလေးကို ကြည့်ပြီး မိဘတွေက စိတ်မကောင်း ဖြစ်ကြတာပေါ့။ ပန်းကလေး နေမကောင်းလို့ စိတ်မကောင်းလေလေ ပတ်ဝန်းကျင်က လူတွေကို သံသယတွေဖြစ်ပြီး စွပ်စွဲလေလေဆိုတော့ ပန်းကလေးရဲ့ မိဘတွေနဲ့ ရွာကလူတွေနဲ့ ရန်တွေ ခဏခဏ ဖြစ်ကြတာပေါ့။
ပန်းကလေးကို စမ်းသပ်ပြီးတော့ ဆရာဝန်ကြီးက ပန်းကလေးဟာ ပန်းဝတ်မှုန်တွေနဲ့ ဓာတ်မတည့်တဲ့ ရောဂါဖြစ်နေတာလို့ ပြောပြတယ်။ အိမ်မှာရှိတဲ့ ပန်းပင်တွေကို ရှင်းလိုက်ပြီး ဆေးပုံမှန်သောက်လိုက်တာနဲ့ ပန်းကလေး ရဲ့ရောဂါက သက်သာသွားတယ် . . .
ဒီလိုနဲ့ တစ်ရက်တော့ ပန်းကလေးတို့ ရွာကို နယ်လှည့်ပြီးဆေးကုတဲ့ ဆရာဝန်ကြီး ရောက်လာတယ်။ ပန်းကလေးသတင်းက တစ်ရွာလုံးမှာ ပြန့်နေတော့ ဆရာဝန်ကြီးလည်း ပန်းကလေးရဲ့ အိမ်ကို ရောက်လာပြီး စမ်းသပ်ပေးတာပေါ့။ ပန်းကလေးရဲ့ မိဘတွေကတော့ ဆေးတွေဘယ်လောက်ကုကု မသက်သာတဲ့ သူတို့သမီးလေးကို ဆရာဝန်ကြီးလည်း ကုနိုင်မှာမဟုတ်ဘူးလို့ ထင်နေတာပေါ့။ ဒါပေမဲ့ မကုဘဲနေတာထက် အခုလို စမ်းသပ်ကုသကြည့်တာက တော်သေးတယ်ဆိုပြီးတော့ ဆရာဝန်ကြီး ဆေးကုပေးနေတာကို လက်ခံကြတာ။ ပန်းကလေးကို စမ်းသပ်ပြီးတော့ ဆရာဝန်ကြီးက ပန်းကလေးဟာ ပန်းဝတ်မှုန်တွေနဲ့ ဓာတ်မတည့်တဲ့ ရောဂါဖြစ်နေတာလို့ ပြောပြတယ်။ အိမ်မှာရှိတဲ့ ပန်းပင်တွေကို ရှင်းလိုက်ပြီး ဆေးပုံမှန်သောက်လိုက်တာနဲ့ ပန်းကလေးရဲ့ရောဂါက သက်သာသွားတယ်။ ရွာထဲက လူတွေနဲ့ ကျောင်းမှာလည်း ပန်းကလေး သွားနေကျနေရာတွေမှာ ပန်းတွေကို မထားဖို့ ဆရာဝန်ကြီးက ပြောတယ်။ တစ်ရွာလုံးက လူတွေနဲ့ ဆရာမတွေ၊ သူငယ်ချင်းတွေက ပန်းကလေးရောဂါကို အဖြေသိပြီး ပန်းကလေး သက်သာလာတာကို ဝမ်းသာကြတယ်။ ပန်းကလေးရဲ့ မိဘတွေလည်း သူတို့မှားပြီး စွပ်စွဲမိလို့ ရွာကလူတွေကို တောင်းပန်ကြ တယ်။ ရွာကလူတွေကလည်း ခွင့်လွှတ်ကြတယ်။
ကဲ အခုလည်း ပန်းကလေးတို့ရွာမှာ ပန်းလေးတွေ ဝေနေတုန်းပါပဲ။ ဒါပေမဲ့ ပန်းကလေး သွားနေကျနေရာက အိမ်တွေကတော့ သူတို့အိမ်မှာ ပန်းဝတ်မှုန်တွေမရှိအောင် ရှင်းထားပေးကြတယ်။ ပန်းကလေးရဲ့ဓာတ်မတည့်တဲ့ ရောဂါကတော့ အရှင်းဓာတ်မတည့် မပျောက်သွားပါဘူး။ ဒါပေမဲ့ ဓာတ် တာ မဖြစ်အောင် ဘယ်လိုနေရမယ်ဆိုတာကို သိထားတော့ အရင်လို ရောဂါရဲ့ ဒဏ်ကို မခံရတော့ဘူးပေါ့ကွယ်။
ဝါဆို ရေးသားသည်။
