အတွဲ (၁) စာစဉ် (၂)

  ရှမ်းပြည်နယ်တောင်ပိုင်း၊ မိုးဗြဲမြို့နယ် အနီးတစ်ဝိုက်ကို အာဏာသိမ်းစစ်တပ်က ကြဲချတဲ့ ဒရုန်းဗုံးတွေမှာ အဆိပ်ငွေ့ပြားတွေ ပါဝင်နေတယ်လို့ ကရင်နီအမျိုးသား ကာကွယ်ရေးတပ် (KNDF) က ထုတ်ပြန်ထားပါတယ်။ ပြီးခဲ့တဲ့ ဒီဇင်ဘာလ ၇ ရက်နဲ့ ၈ ရက် နေ့တို့မှာ အာဏာသိမ်းစစ်တပ်ရဲ့ မိုးဗြဲမြို့အခြေစိုက် ခမရ (၄၂) တပ်က...

  ၁။ ပညာရေး ************* တကယ်တော့ပညာရေးဆိုတာ ပညာရေးပဲဖြစ်ပြီး ရှေ့က ဘယ်နာမဝိသေသနမှ မပါတာအကောင်းဆုံးပဲဖြစ်ပါတယ်။ ဒါပေမဲ့ ပညာရေးနဲ့ပတ်သက်လို့ အလွဲသုံးမှုတွေရှိလာတဲ့အခါ မျိုးဆက်အလိုက် ခေါင်းပုံဖြတ်မှုတွေရှိလာတဲ့အခါမှာတော့ ပညာရေးရှေ့မှာ နာမဝိသေသနတွေ ထပ်ထည့်ရတာမျိုးတွေရှိလာပါတယ်။ ပညာရေးက လူတိုင်းနဲ့သက်ဆိုင်တဲ့အရာဆိုတဲ့ အခြေခံသဘောကို ပစ်ပယ်ပြီး ဟိုလူနဲ့ပဲဆိုင်တာ ဒီလူနဲ့မဆိုင်ဘူးဆိုတဲ့ အယူအဆတွေတင်သွင်းလာကြတဲ့အခါ ပညာရေးရဲ့ ရှေ့မှာ နာမဝိသေသနတွေပိုတိုးလာရပါတယ်။ အဓိကကတော့...

  လယ်ကွင်းတစ်ခုထဲမှာ ယာယီတဲထိုးရင်း အညာဆောင်းရဲ့ အအေးဒဏ်ကို အံတုနေရသူတွေထဲမှာတော့ ကိုသန်းလည်း တစ်ယောက်အပါအဝင်ပါ။ ကိုသန်းက မြင်းခြံမြို့နယ်ထဲကိုရောက်လာတဲ့ အာဏာသိမ်းစစ်တပ်ရဲ့ စစ်ကြောင်းကိုတိမ်းရှောင်နေရသူတွေထဲက တစ်ဦးလည်းဖြစ်ပါတယ်။ အာဏာသိမ်းစစ်တပ်က ဘွဲ့တံဆိပ်တွေချီးမြှင့်ထားတဲ့ နာမည်ကြီးပျူစောထီးခေါင်းဆောင်သီတာယုမွန်ဦးဆောင်တဲ့ မြင်းခြံမြို့ပေါ်ပျူစောထီးအဖွဲ့က လယ်သစ်၊ လေးရွာဆုံစတဲ့ ကျေးရွာတွေကပျူစောထီးအဖွဲ့တွေနဲ့ ပူးပေါင်းပြီး အာဏာသိမ်းစစ်တပ်နဲ့အတူ မြင်းခြံမြို့နယ်ထဲက ကျေးရွာ ၁၀ရွာကျော်ကို တက်ညီလက်ညီမီးရှို့နေတာပါ။ မီးမရှို့ခင်မှာတော့...

  အာဏာသိမ်းစစ်တပ်ရဲ့ မောင်တောအခြေစိုက် အမှတ် (၅)နယ်ခြားစောင့်ရဲတပ်ဖွဲ့ခွဲ(နခခ-၅)ကို အာရက္ခတပ်တော် AA က သိမ်းပိုက်ရရှိလိုက်တဲ့သတင်းဟာ အခုရက်ပိုင်း လူပြောများနေပါတယ်။ AA အနေနဲ့ အဲဒီစခန်းကိုရဖို့ အောက်တိုဘာ ၁၄ ရက်ကနေ ဒီဇင်ဘာ ၈ ရက်အထိ ၅၅ ရက် ကြာကြိုးပမ်းခဲ့ရတာပါ။ စစ်ဆင်ရေးရဲ့ အကျိုးရလဒ်အနေနဲ့ မောင်တောဒေသမှာ အာဏာအရှိဆုံး...

  အာရက္ခဒေသ၊ ရခိုင်ဒေသက တော်လှန်ရေးအောင်မြင်မှုတွေကို ကျွန်တော်တို့ အရမ်းရွှင်လန်းအားတက်ရပါတယ်။ အဲဒီအောင်မြင်မှုတွေဟာ ကျွန်တော်တို့ အညာဒေသ ဖြစ်တဲ့ စစ်ကိုင်း၊ မကွေးဒေသတွေက တော်လှန်ရေးအင်အားစုတွေကိုလည်း အောင်စိတ်တွေ ကူးစက်စေတယ်လို့မြင်ရပါတယ်။ ရခိုင်ဒေသနဲ့ နယ်နိမိတ်အားဖြင့်ကပ်လျက်တည်ရှိနေတဲ့ အထူးအားဖြင့်မကွေးဒေသ အပြင်တစ်ဆက်တည်း စစ်ကိုင်းဒေသကိုလည်း သက်ရောက်မှုတွေရှိနိုင်တယ်လို့ ယူဆမိပါတယ်။ စစ်ဆိုတာက ကူးစက်တတ်တဲ့သဘောရှိပါတယ်။ စစ်အာဏာရှင်စနစ်ကို အမြစ်ပြတ်ချုပ်ငြိမ်းအောင်ကြိုးပမ်းနေတဲ့ တော်လှန်ရေးထဲမှာ...